Jose Mourinho është i gatshëm të shes tre lojtarë në afatin kalimtar të janarit.

Sipas Metro.co.uk, Mourinho do të pranojë oferta për mbrojtësit si Daley Blind, Luke Shaë dhe Matteo Darmian.

Mourinho nuk është aspak i kënaqur me opsionet e tij në krahët e mbrojtjes, transmeton arbresh.info.

Vetëm Antonio Valencia, ka qenë mbrojtësi më konsistent i skuadrës si dhe në këtë sezon bartë shiritin e kapitenit në mungesë të Miachel Carrick.

Italiani Matteo Darmian, ka dështuar ta impresionojë trajnerin portugez, pasi Jose është detyruar në disa raste ta përdorë Eric Bailly si mbrojtës të krahut të djathtë.

Mbrojtja e Manchester United qalon më shumti në krahun e majtë, pasi në këtë sezon është duke luajtur Ashley Young, para Luke Shaw dhe Daley Blind.

Mourinho dëshiron që të transferojë mbrojtës të krahut por së pari duhet të largojë njëri nga mbrojtësit e tij.

Megjithatë, këto lëvizje me shumë gjasë nuk do të ndodhin gjatë afatit kalimtar të janarit.

Djajtë e kuq janë lidhur me transferimin e mbrojtësit anglez të Tottenhamit, Danny Rose. /arbresh.info/